జిక్కి - పిల్లవలు గజపతి కృష్ణవేణి
స్వస్థలం: చిత్తూరు జిల్లాలోని చంద్రగిరి

జిక్కి అని ముద్దుగా పిలుచుకునే పి.జి.కృష్ణవేణి (1938 - 2004) తెలుగు, తమిళ, కన్నడ, మళయాళ, సింహళ మరియు హిందీ భాషలలో ప్రసిద్ధ సినీ గాయకురాలు. మూడు దశాబ్దాల పాటు పదివేలకు పైగా పాటలు పాడారు. చిత్తూరు జిల్లాలోని చంద్రగిరిలో జన్మించిన జిక్కి ఏ సంగీత శిక్షణ లేక పోయినా వినికిడి జ్ఞానంతో పాడటం నేర్చుకొన్నది. జిక్కి తండ్రి మద్రాసులో స్టూడియోలో చిన్నాచితక పనులు చేస్తుంటే ఆమె ఎప్పుడైనా వెళ్లినపుడు అదంతా తిరిగేది. అలా తిరుగుతున్నపుడు చూసిన ప్రముఖ దర్శకులు గూడవల్లి రామబ్రహ్మం, పంతులమ్మ (1943) సినిమాలో చిన్నవేషంతో పాటు పాట పాడే అవకాశం కల్పించారు. జిక్కి అప్పట్లో ప్రముఖగాయకుడైన ఏ.ఎమ్.రాజా ను ప్రేమవివాహం చేసుకున్నది. వీరికి ఆరుగురు సంతానం. అరవయ్యేళ్లు దాటాక కూడా ఆమె ఆదిత్య 369 సినిమాలో జాణవులే... అనే పాట పాడి తన గొంతులో ఇంకా వాడి తగ్గలేదని నిరూపించారు

ప్రాచుర్యం పొందిన గీతాలు
వద్దురా కన్నయ్యా! ఈ పొద్దు ఇలు వదలి పోవద్దురా అయ్యా
జీవితమే సఫలము… ప్రేమకథా మధురము
‘ఏరువాకా సాగారో రన్నో చిన్నన్నా’
‘పందిట్లో పెళ్లవుతున్నాదీ,’
పులకించని మది పులకించు లాంటి పాటలు

 చిత్ర సమాహారం

నిన్నే పెళ్ళాడుతా (1996), ఆదిత్య 369 (1991), సీతారామయ్యగారి మనవరాలు (1991), వట్టత్తుక్కుళ్ చతురమ్ (1978), సంపూర్ణ రామాయణం (1971), శ్రీమంతుడు (1971), తిరుపతమ్మ కథ (1963), లవకుశ (1963), భీష్మ (1962), గులేబకావళి కథ (1962), సిరి సంపదలు (1962), సీతారామ కళ్యాణం (1961), బాటసారి (1961), శభాష్ రాజా (1961), పెళ్ళి కానుక (1960), సహస్ర శిరచ్ఛేద అపూర్వ చింతామణి (1960), శాంతినివాసం (1960), శ్రీ వెంకటేశ్వర మహాత్మ్యం (1960), కృష్ణలీల (1959), రాజమకుటం (1959), చెంచులక్ష్మి (1958), మాంగల్యబలం (1958), సువర్ణ సుందరి (1957), భలేబావ (1957), మాయాబజార్ (1957), పాండురంగ మహత్యం (1957), సారంగధర (1957), తోడికోడళ్ళు (1957), చిరంజీవులు (1956), భలేరాముడు (1956), జయం మనదే (1956), కనకతార (1956), పెంకి పెళ్ళాం (1956), దొంగ రాముడు (1955), రోజులు మారాయి (1955), అనార్కలి (1955), అర్ధాంగి (1955), రేచుక్క (1954), తోడుదొంగలు (1954), ఆహ్(1953), బ్రతుకు తెరువు (1953), దేవదాసు (1953), పర్దేశీ (1953), ప్రతిజ్ఞ (1953), ధర్మదేవత (1952), పల్లెటూరు (1952), పాతాళ భైరవి (1951), నవ్వితే నవరత్నాలు (1951), పల్లెటూరి పిల్ల (1950), షావుకారు (1950), సంసారం (1950), మనదేశం (1949), పంతులమ్మ (1943)